tamilkurinji logo
 

கோயம்புத்தூரில் கல்லூரி பேராசிரியை கழுத்து அறுத்து கொலை,tamil news india news

tamil,news,india,news,


செய்திகள் >>> தமிழகம்

கோயம்புத்தூரில் கல்லூரி பேராசிரியை கழுத்து அறுத்து கொலை

First Published : Friday , 6th January 2017 08:10:17 PM
Last Updated : Friday , 6th January 2017 08:10:17 PM


கோயம்புத்தூரில் கல்லூரி பேராசிரியை கழுத்து அறுத்து கொலை,tamil news india news

கோவையை அடுத்த இருகூர் ஐ.ஓ.பி. காலனியை சேர்ந்தவர் சிவலிங்கம். இவர் பாரதியார் பல்கலைக்கழகத்தில் டெக்னிக்கல் பிரிவில் அலுவலராக பணியாற்றி வருகிறார்.


 இவரது மனைவி லதா(வயது 38). இவர் திருப்பூர் அரசு கலைக்கல்லூரியில் பேராசிரியையாக வேலைபார்த்து வந்தார். இவர்களுக்கு சஞ்சு(4) என்ற மகன் உள்ளான்.

குடும்ப பிரச்சனை காரணமாக கடந்த 1 வருடமாக கணவன்-மனைவி இடையே கருத்துவேறுபாடு ஏற்பட்டு இருவரும் பிரிந்தனர். லதா குழந்தையுடன் வசித்து வந்தார்.

தினமும் கல்லூரிக்கு செல்வதால் லதா தனது மகனை அருகில் உள்ள தனது பெற்றோர் வீட்டில் தங்க வைத்து இருந்தார். தினமும் அவர் தனது மகனை பார்த்துவந்தார்.

இதேபோல் நேற்று இரவும் தனது மகனை பார்த்துவிட்டு வீடு திரும்பிய லதா இன்று காலை 7.30 மணியாகியும் வெளியே வரவில்லை.

இதையடுத்து பக்கத்து வீட்டை சேர்ந்த ராணி என்ற பெண் லதா வீட்டிற்கு வெளியே நின்று கொண்டு அவரை அழைத்தார். நீண்ட நேரமாகியும் வீட்டில் இருந்து பதில் இல்லை. இதையடுத்து ராணி லதாவின் வீட்டு கதவை தட்ட முயன்றார். அப்போது கதவு திறந்து இருந்தது. பின்னர் ராணி வீட்டிற்குள்ளே சென்றார். அப்போது படுக்கை அறையில் இருந்து புகை வெளியேறியது.

அங்கு சென்று பார்த்தபோது லதா எரிந்த நிலையில் கரிக்கட்டையாக பிணமாக கிடந்தார். இதைப்பார்த்து அதிர்ச்சி அடைந்த ராணி சத்தம் போட்டு கொண்டே வீட்டை விட்டு வெளியே ஓடிவந்தார். அக்கம்பக்கம் வசிப்பவர்களும் அங்கு திரண்டனர். அவர்களிடம் வீட்டிற்குள் லதா பிணமாக கிடக்கும் தகவலை ராணி தெரிவித்தார்.

இதையடுத்து சிங்காநல்லூர் போலீசுக்கு தகவல் கொடுக்கப்பட்டது. சம்பவ இடத்திற்கு துணை போலீஸ் கமி‌ஷனர் லட்சுமி, உதவி கமி‌ஷனர் சுந்தர்ராஜ் மற்றும் போலீசார் விரைந்து சென்றனர். அப்போது லதாவின் கழுத்து அறுக்கப்பட்டு அவர் கொலை செய்யப்பட்டு மண்ணெண்ணெய் ஊற்றி உடல் எரிக்கப்பட்டு இருப்பது தெரியவந்தது.

மேலும் அவரது ஆடைகள் படுக்கை அறையில் இருந்து வெளியே சிதறி கிடந்தது. படுக்கை அறையும் எரிந்த நிலையில் இருந்தது. வீட்டில் இருந்த 7 பவுன் நகை திருடுபோய் இருந்தது. ஆனால் லதாவின் கழுத்தில் இருந்த கம்மல் அப்படியே இருந்தது. மேலும் வீட்டு முன்பு மிளகாய் தூள் சிதறி கிடந்தது.

எனவே லதா தனியாக இருப்பதை தெரிந்து கொண்ட மர்மநபர் யாரோ வீட்டிற்குள் அதிகாலை நுழைந்து அவரை கொலை செய்து உடலை தீவைத்து எரித்து இருக்கலாம் என்று போலீசார் விசாரணையில் தெரியவந்தது.

சம்பவ இடத்திற்கு கைரேகை நிபுணர்கள் வரவழைக்கப்பட்டனர். மேலும் போலீஸ் துப்புறியும் மோப்ப நாயும் வரவழைக்கப்பட்டது. பின்னர் போலீசார் கொலை செய்யப்பட்ட லதாவின் உடலை மீட்டு பிரேத பரிசோதனைக்காக கோவை அரசு ஆஸ்பத்திரிக்கு அனுப்பி வைத்தனர்.

அவர் எதற்காக கொலை செய்யப்பட்டார்? அவரை கொலை செய்தது யார்? என்று போலீசார் தீவிரமாக விசாரித்து வருகிறார்கள்.


கோயம்புத்தூரில் கல்லூரி பேராசிரியை கழுத்து அறுத்து கொலை,tamil news india news கோயம்புத்தூரில் கல்லூரி பேராசிரியை கழுத்து அறுத்து கொலை,tamil news india news கோயம்புத்தூரில் கல்லூரி பேராசிரியை கழுத்து அறுத்து கொலை,tamil news india news
Potato Capsicum Green Peas Curry சென்னை காரக்குழம்பு Kathirikai varuval
 ஜெயலலிதா டிச.4-ம் தேதி மாலையே இறந்துவிட்டார்: சசிகலா சகோதரர் பகீர் தகவல்
மறைந்த முன்னாள் முதல்வர் ஜெயலலிதா டிசம்பர் 4-ம் தேதி மாலை 5.15 மணிக்கே இறந்துவிட்டார் என்று சசிகலாவின் சகோதரர் தினகரன் பொதுக்கூட்டத்தில் பேசியுள்ளார்.முதல்வர் ஜெயலலிதா 2016-ம் ஆண்டு செப்.22 அன்று இரவு உடல் நலக்குறைவால் அப்போலோ மருத்துவமனையில் அனுமதிக்கப்பட்டு 75 நாட்கள்

மேலும்...

 வைரமுத்து மன்னிப்பு கேட்காவிட்டால் மெரினாவில் மீண்டும் போராட்டம்
 'பிழைப்பிற்காக பெண்களை வர்ணித்து பாட்டு எழுதும் வைரமுத்துவுக்கு, ஆண்டாள் குறித்து அவதுாறு பேச எந்த தகுதியும் இல்லை. அவர், மன்னிப்பு கேட்காவிட்டால், மெரினாவில் மீண்டும் போராட்டம் வெடிக்கும்' என, இந்து மக்கள் கூட்டத்தில் எச்சரிக்கை விடப்பட்டது.சமீபத்தில் நடந்த கூட்டம் ஒன்றில், பாடலாசிரியர்

மேலும்...

 மறைந்த பத்திரிகையாளர் ஞாநி உடல் மருத்துவக் கல்லூரியிடம் தானமாக ஒப்படைப்பு
மறைந்த பத்திகையாளர், அரசியல் விமர்சகர் ஞாநியின் உடல் அவரது விருப்பத்தின்படி சென்னை மருத்துவ கல்லூரிக்கு தானமாக வழங்க எடுத்து செல்லப்பட்டது.பத்திரிகையாளரும் எழுத்தாளரும் அரசியல் விமர்சகருமான ஞாநி சங்கரன் இன்று (ஜனவரி 15) அதிகாலை காலமானார். அவருக்கு வயது 64.கடந்த சில காலமாகவே

மேலும்...

 அலங்காநல்லூர் ஜல்லிக்கட்டு கோலாகலமாக தொடங்கியது
உலகப் புகழ்பெற்ற அலங்காநல்லூர் ஜல்லிக்கட்டுப் போட்டியை தமிழக முதல்வர் கே. பழனிசாமியும் துணை முதல்வர் ஓ. பன்னீர்செல்வமும் இன்று (செவ்வாய்க்கிழமை) தொடங்கி வைத்தனர். முதன்முறையாக ஜல்லிக்கட்டு புகைப்படக் கண்காட்சியும் அலங்காநல்லூரில் நடைபெற்றது.இந்த போட்டியை பார்வையிட உலகம் முழுவதும் இருந்து ஆயிரக்கணக்கானோர் அலங்காநல்லூரில்

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match




















மகளிர்





























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in