வருமானவரி ரிட்டன் கணக்கு தயார் செய்ய 5 ஆயிரம் பேர் நியமனம்

வருமானவரி ரிட்டன் கணக்கு தயார் செய்ய 5 ஆயிரம் பேர் நியமனம்
வருமானவரி ரிட்டன் கணக்கு தயார் செய்ய இந்தியா முழுவதும் 5 ஆயிரம் பேர் நியமிக்கப்பட உள்ளனர். இதற்கு பொருளாதாரம், வணிகவியல், கணிதம், புள்ளியியல், சட்ட பட்டதாரிகள் விண்ணப்பிக்கலாம்.

வருமானவரித்துறை செலுத்துவோருக்கு ரிட்டன் கணக்கு தயார் செய்வது, மாதாந்திர டி.டி.எஸ். அறிக்கையை தயாரித்து சமர்ப்பிப்பது, ஆன்லைனில் வருமான வரி கணக்கு சமர்ப்பித்தல் (இ-பைல்) ஆகிய பணிகளை மேற்கொள்வதற்காக நாடு முழுவதும் 5 ஆயிரம் வருமானவரி கணக்கு தயாரிப்பாளர்களை (டேக்ஸ் ரிட்டர்ன் பிரிப்பரர்ஸ்) நியமிக்க வருமான வரித்துறை முடிவு செய்துள்ளது.

தமிழ்நாட்டில் சென்னை திருவான்மியூர், முகப்பேர், பல்லாவரம், அண்ணாநகர் மற்றும் மதுரை, கோவை, திருச்சி ஆகிய நகரங்களில் 350 பேர் நியமிக்கப்படுகிறார்கள். இந்த பணிக்கு தேர்வுசெய்யப்படுவோருக்கு சிறப்பு பயிற்சி அளிக்கப்பட்டு அவர்கள் வருமானவரி கணக்கு தயாரிப்பாளர்களாக சொந்தமாக பணியாற்றலாம். அவர்கள் சேவை செய்யும் புதிய வருமானவரி செலுத்துவோர் மூலமாக எவ்வளவு வரி வருகிறதோ அதில் 3 சதவீதம் அவர்களுக்கு சம்பளமாக வழங்கப்படும்.

இந்த பணிக்கு பொருளாதாரம், வணிகவியல், சட்டம், கணிதம், புள்ளியியல் படித்த பட்டதாரிகள் விண்ணப்பிக்கலாம். வயது 21 முதல் 35-க்குள் இருக்க வேண்டும். பட்டப்படிப்பில் பெற்ற மதிப்பெண் அடிப்படையில் குறிப்பிட்ட எண்ணிக்கையில் தேர்வுக்கு அழைக்கப்படுவார்கள்.

இந்த தேர்வில், பொது அறிவு, ரீசனிங், கணிதம், ஆங்கிலம் ஆகிய பாடங்களில் இருந்து கேள்விகள் கேட்கப்படும். எழுத்துத்தேர்வில் தேர்ச்சி பெறுவோருக்கு வருமானவரித்துறை சார்பில் ஏறத்தாழ ஒரு மாத காலம் கடும் பயிற்சி அளிக்கப்படும். அதன்பிறகு அவர்களுக்கு மதிப்பீட்டு தேர்வு நடத்தப்பட்டு அதில் வெற்றிபெறுவோருக்கு சான்றிதழ் வழங்கப்பட்டு, அவர்கள் வருமானவரி கணக்கு தயாரிப்பாளர்களாக நியமிக்கப்படுவார்கள்.

தகுதியும், விருப்பமும் உடைய பட்டதாரிகள் ஆன்லைன் மூலமாக விண்ணப்பிக்க வேண்டும். இதற்கு கடைசி நாள் இந்த மாதம் 20-ந் தேதி ஆகும். எழுத்துத்தேர்வுக்கு தேர்வுசெய்யப்பட்டுள்ள விண்ணப்பதாரர்களின் பட்டியல் மேற்கண்ட இணையதளத்தில் செப்டம்பர் 5-ந் தேதிக்குள் வெளியிடப்படும்.

எழுத்துத்தேர்வு செப்டம்பர் 23-ந் தேதி காலை 10 மணி முதல் மதியம் 12 மணி வரை நடைபெறும். மொத்தம் 160 கேள்விகளுக்கு (கொள்குறிவகை) 2 மணி நேரத்தில் பதில் அளிக்க வேண்டும். தேர்வுமுறை மற்றும் விண்ணப்பிக்கும் முறை, மாநிலங்கள் வாரியாக காலி இடங்கள் உள்பட அனைத்து விவரங்களையும் மேற்கண்ட இணையதளத்தில் விரிவாக தெரிந்து கொள்ளலாம் என்று வருமானவரித்துறை அறிவித்துள்ளது.
https://goo.gl/nFTzLw






04 Mar 2013

குரூப் 2 தேர்வு முடிவு 100 பேருக்கு நிறுத்தி வைப்பு

27 Feb 2013

வி.ஏ.ஓ. பணிக்கு 4&வது கட்டமாக தேர்வு செய்யப்பட்டோர் பட்டியல்

05 Jan 2013

கூட்டுறவு சங்கங்களில் 3,607 உதவியாளர்கள் நியமனம் ஒத்திவைக்கப்பட்ட நேர்முகத்தேர்வு 23-ந் தேதி முதல் 31 வரை நடைபெறும்

03 Jan 2013

குரூப்-2 பதவிகளில் காலியாக உள்ள பணி இடங்களை நிரப்ப 2-வது கட்ட கவுன்சிலிங்

03 Jan 2013

குரூப்-1, குரூப்-2 தேர்வு முடிவு இந்த மாத இறுதியில் வெளியிடப்படும்

27 Dec 2012

VAO பணிக்கு 3-ந்தேதி கவுன்சிலிங் தொடக்கம்

17 Dec 2012

1870 விஏஓக்கள் தேர்வுக்கு இம்மாத இறுதியில் கவுன்சலிங்

30 Nov 2012

கிராம நிர்வாக அதிகாரிகள் தேர்வு முடிவு வெளியீடு

25 Aug 2012

தகுதித்தேர்வு மூலம் நிரப்பப்படும் பாடவாரியான ஆசிரியர் காலி இடங்கள் விவரம்

09 Aug 2012

வருமானவரி ரிட்டன் கணக்கு தயார் செய்ய 5 ஆயிரம் பேர் நியமனம்